LIVE KERALA NEWS
Wednesday 9. Oct 2024
മീററ്റ്: ആംബുലന്‍സ് ഡ്രൈവര്‍ കനിയാത്തതിനെ തുടര്‍ന്ന് രണ്ടരവയസ്സുള്ള മകളുടെ മൃതദേഹം മടിയില്‍ കിടത്തി അമ്മയ്ക്ക് രാത്രി മുഴുവന്‍ ആശുപത്രിയിലെ അത്യാഹിത വിഭാഗത്തിന്റെ പുറത്തിരിക്കേണ്ടി വന്നു. യുപിയിലെ ബാഗ്പത് ജില്ലയിലെ ഗൗരിപുര്‍ ഗ്രാമത്തിലെ ഇമ്രാനയ്ക്കാണ് ഈ ഗതി വന്നത്. മകള്‍ ഗുല്‍നാദ് വൈറല്‍ പനി പിടിപെട്ട് ബാഗ്പത് ഗവ. പി.എല്‍. ശര്‍മ ആശുപത്രിയില്‍ ചികിത്സയിലായിരുന്നു. രോഗം കൂടിയതോടെ മീററ്റിലെ ലാലാ ലജ്പത്‌റായ് മെഡിക്കല്‍ കോളജിലേക്ക് കുട്ടിയെ മാറ്റാന്‍ നിര്‍ദേശിച്ചു. എന്നാല്‍ അവിടെ എത്തുംമുന്‍പേ കുട്ടി മരിച്ചു. കുട്ടിയുടെ മൃതദേഹം വീട്ടിലെത്തിക്കാന്‍ ആംബുലന്‍സ് ചോദിച്ചപ്പോള്‍ ജില്ലയ്ക്ക് പുറത്തേക്കു പോകാന്‍ അനുവാദമില്ലെന്നായിരുന്നു ഡ്രൈവറുടെ മറുപടി. അടുത്തുള്ള ജില്ലാ ആശുപത്രിയില്‍ നിന്നു സര്‍ക്കാര്‍ ആംബുലന്‍സ് ലഭിക്കുമെന്ന പ്രതീക്ഷയില്‍ സ്വകാര്യ ആംബുലന്‍സ് വിളിച്ച് മകളുടെ മൃതദേഹവുമായി അവിടെയെത്തി. കൈവശം ആകെയുണ്ടായിരുന്ന 200 രൂപ ഈ സ്വകാര്യ ആംബുലന്‍സിനു കൊടുത്തു. മീററ്റ് ജില്ലാ ആശുപത്രിയിലെത്തി ആംബുലന്‍സ് അന്വേഷിച്ചപ്പോഴും, ജില്ലയ്ക്കു പുറത്തു പോകാന്‍ നിയമമില്ലെന്ന് ആംബുലന്‍സ് ഡ്രൈവറുടെ മറുപടി. ബാഗ്പത് ജില്ലയിലെ ഗൗരിപുര്‍ ഗ്രാമത്തില്‍ മൃതദേഹം എത്തിക്കണമെങ്കില്‍ 2500 രൂപ വേണമെന്ന് സ്വകാര്യ ആംബുലന്‍സുകാര്‍ ആവശ്യപ്പെട്ടു. പിറ്റേന്ന് ആശുപത്രിയിലെത്തിയ ചിലര്‍ വിവരം ചോദിച്ചറിഞ്ഞ് സ്വകാര്യ ആംബുലന്‍സ് ഏര്‍പ്പാടാക്കി മകളുടെ മൃതദേഹവുമായി ഇമ്രാനയെ നാട്ടിലെത്തിക്കുകയായിരുന്നു.
ന്യൂഡൽഹി: എംപ്ലോയീസ് പ്രോവിഡന്റ് ഫണ്ടിൽ സമഗ്രമായ മാറ്റത്തിന് കേന്ദ്രം നീങ്ങുന്നതായി…