LIVE KERALA NEWS
Wednesday 9. Oct 2024
കോഴിക്കോട്: സിപിഐഎം വയനാട് ജില്ലാ സെക്രട്ടറി സി. ഭാസ്കരന് (66) വിടപറഞ്ഞു. കോഴിക്കോട്ടെ സ്വകാര്യ ആശുപത്രിയിലായിരുന്നു അന്ത്യം. കരള്‍രോഗ ബാധയെ തുടര്‍ന്ന് ചികിത്സയിലായിരുന്നു. സി.കെ ശശീന്ദ്രന്‍ നിയമസഭാ തെരഞ്ഞെടുപ്പില്‍ മത്സരിച്ചതിനെ തുടര്‍ന്നാണ് ജില്ലാ സെക്രട്ടറിയുടെ ചുമതല ഭാസ്കരന് നല്‍കിയത്. 1995 മുതല്‍ സിഐടിയു വയനാട് ജില്ലാ സെക്രട്ടറി കൂടിയായിരുന്നു.1971ല്‍ പാര്‍ട്ടി അംഗമായ ഭാസ്കരന് 1982 മുതല്‍ ദീര്‍ഘകാലം ബത്തേരി ഏരിയാ സെക്രട്ടറിയായിരുന്നു. 1982ല്‍ ജില്ലാ കമ്മിറ്റിയംഗമായി. 1991ല്‍ ജില്ലാ സെക്രട്ടറിയറ്റിലെത്തി. സി.പി.എം പുല്‍പ്പള്ളി, മാനന്തവാടി ഏരിയാ കമ്മിറ്റികളുടെ സെക്രട്ടറിയായും പ്രവര്‍ത്തിച്ചിട്ടുണ്ട്. നിലവില്‍ വയനാട് എസ്റ്റേറ്റ് ലേബര്‍ യൂണിയന്‍ പ്രസിഡന്റാണ്. 2005 മുതല്‍ 2007വരെ വയനാട് ജില്ലാ പഞ്ചായത്ത് വൈസ് പ്രസിഡന്റായി. ബത്തേരി ബ്ലോക്ക് ഡെവലപ്‌മെന്റ് കമ്മിറ്റി ചെയര്‍മാന്‍, ബത്തേരി പഞ്ചായത്ത് മെമ്പര്‍ എന്നീ നിലകളിലും ഭാസ്കരന് പ്രവര്‍ത്തിച്ചിട്ടുണ്ട്. കോഴിക്കോട് നന്മണ്ട ചീക്കിലോട് പരേതരായ ചാത്തോത്ത് കുഞ്ഞിരാമന്‍ നായരുടെയും ഉണിച്ചിരയുടെയുംമകനാണ്. . ബത്തേരി കോട്ടക്കുന്നിലായിരുന്നു താമസം. വിദ്യാഭ്യാസത്തിനു ശേഷം തൊഴിലാളിയായി വയനാട്ടിലെത്തിയതാണ് ഭാസ്കരന്.ഭാര്യ: ശോഭ. മക്കള്‍: അമ്പിളി (ബത്തേരി സെന്റ് മേരീസ് കോളജ്), അശ്വതി (ബത്തേരി കാര്‍ഷിക ഗ്രാമവികസന ബാങ്ക്). മരുമക്കള്‍: അഭിലാഷ് (ദുബൈ), മിഥുന്‍ വര്‍ഗീസ്.
ന്യൂഡൽഹി: എംപ്ലോയീസ് പ്രോവിഡന്റ് ഫണ്ടിൽ സമഗ്രമായ മാറ്റത്തിന് കേന്ദ്രം നീങ്ങുന്നതായി…