ചെന്നൈ: സോഷ്യല് മീഡിയയില് വന്നുകൊണ്ടിരിക്കുന്ന വിവാഹ വാര്ത്തകള് നിഷേധിച്ച് തെന്നിന്ത്യന് താരസുന്ദരി തമന്ന ഭാട്ടിയ രംഗത്ത്. തമന്ന ഒരു സോഫ്റ്റ്വെയര് എന്ജിനിയറെ വിവാഹം കഴിക്കാന് പോവുകയാണെന്നും വിവാഹത്തോടെ തമന്ന സിനിമ ഉപേക്ഷിക്കുമെന്നുമാണ് വാര്ത്തകള് വന്നത്. എന്നാല് ഇത്തരം വാര്ത്തകള് വാസ്തവവിരുദ്ധമാണെന്നും താനിപ്പോള് പ്രഭുദേവയുടെ സിനിമയുടെ തിരക്കിലാണെന്നും താരം വ്യക്തമാക്കി. ഹൃദയത്തോട് ചേര്ന്നു നില്ക്കുമെന്ന് തോന്നുന്നയാളെ കണ്ടെത്തുമ്പോള് താന് തന്നെ ലോകത്തെ അറിയിക്കുമെന്നും തമന്ന പറഞ്ഞു.